ممنوع النقل والاقتباس
لمشاركة الموضوع انشر الرابط
بس حعطيك مفاتيح تساعدك في اختيار ملابسك مهما كان وزنك وحتكتشفي ان وزنك ابدا ابدا ماراح يكون عائق بينك وبين مواكبة الموضه والاطلاله الحلوه.
النصيحه الاولى: اعرفي مقاسك، وكيف تحددين مقاسك والوزن عادة متذبذب يزيد وينقص ، الحل قبل ما تشترين ملابسك قيسي وزنك وهذا الجدول يوظح لك مقاسات الملابس بالنسبه للماركات الاوربيه والامريكيه
عندنا
رمز المقاس الامريكي US
رمز المقاس الاوربيEuorope او EU
رمز المقاس البريطاني UK
والافضل انك تعتمدي المقاس الامريكي او الاوربي
طيب كيف تاخذي القياسات مزبوطه؟
شوفي هالمقطع يشرح لك كيف
بعد ما تحددي مقاسك اطلعي عالميزان وسجلي وزنك بالكيلو والمقاس المناسب لك حتى اذا قستي وزنك بالميزان تعرفي المقاس مباشره
النصيحه الثانيه: ملابس داخليه مزبوطه خاصة البرا،، لازم ترفع الصدر وتكوره بشكل طبيعي أسألي اذا في وحده حجمها مثل حجم صدري ومشدود كيف حيكون اجمل منظر له
وكمان مايكون الصدر محشور في البرا او في زوائد ولا تكون وسيعه او بحشوات قاسيه وكمان ظهر البرا مستقيم وثابت
وحتى تختاري مقاس البرا المزبوط حطي ببالك ان كل ماركه لهم تقسيم في المقاسات، فمقاسك في نعومي مو زي مقاسك في Bhs
وكمان مقاس الصدر يتغير مع تغير وزنك
واكيد مع الرضاعه
البرا الي تحسي معاها بالم او تطيح هاذي غير مناسبه لك
بعض البنات ياخذوا برا بحشوات لتكبير حجم الصدر ومن الافضل ان الحشوه تكون اسفل الصدر وما تكون ظاهره من الامام لان لما تلبسي بلوزه ناعمه حتبان والبرا السميكه من الامام تعطي الصدر شكل قاسي
وان شاء الله اذا حبيتوا حتكلم عن البرا بتفصيل اكبر كيف تختاري المقاس وانواع القصات والحشوات
واما الكلوت اكيد عالمقاس ومن الافضل ان حوافه تكون من غير مطاطات ضاغطه وبالوان تناسب اللبس، في كلوتات ثابته وحوافها مالها مطاط قماشها ناعم وماتبين مع اللبس .
النصيحتين هاذي هي اهم مافي الاناقه، من المهم عدم لبس ملابس اصغر من المقاس حتى لو بمقياس واحد لانها حتبين الشخص محشور وتبين الشخص ضخم لان الملابس ماجت على قده وكمان الملابس بمقاس اكبر حيبين الشخص ضخم لانها حتعطيه حجم فوق حجمه
اما المقاس المناسب فسيعطي الجسم طله مرتبه مريحه للعين وحتعطي انطباع بان الشخص بجسم ملموم حتى لو وزنه زائد
النصيحه الثالثه: اظهري جمال جسمك واخفي عيوبه ، يمكن يركز كثير من الناس على نقطة اخفاء العيوب وينسون ابراز المفاتن، فالنهايه الطله تكون عاديه مافي شيء جميل،
وممكن بعض البنات يعتبرون اكثر ما يميزهم عيوب المفروض تتغطى، الصدر والارداف مهما كان حجمهم فهي ميزه لصالح البنت المهم هو الخصر وزي محنا عارفين في مشدات وكورسيهات تلم منطقة البطن والخصر
اذا اظهرتي منطقة البطن والخصر بشكل متناسق فاعتبري اللوك ناجح
النصيحه الرابعه: من الجميل تجربة كل الازياء والاختيار بعد كذا ، من الخطاء اعطاء احكام مسبقه لبعض الملابس مثل الضيق ما يناسبني الطويل ما يناسبني ما حلبس سكيرت ما احب الفستان الون هذا مو حلو علي، اذا كانت لك تجربه سيئه صدقيني مع اختلاف درجة اللون وقصة الموديل حيختلف مره على الجسم، مثلا الاحمر له درجات واسعه حتى الدرجه الفاقعه منه لها درجات مختلفه من السطوع، ويمكن نتكلم عن الالوان المرات الجايه المهم زي ما قلت بس جربي
النصيحه الرابعه: من الخطاء تأجيل الاستمتاع بلوك انيق الين ينقص الوزن، كل ما حسيتي بالرضا عن نفسك كل ماتشجعتي على التغيير والمثابره.
ثقي تماما ان الجمال ليس حكرا على نوع محدد من الاجسام، وسبحان الله الناس مو على ذوق واحد في نظرتهم للجمال والجسم الجميل
فتره طاروا باللبنانيات وبعدها طاروا مع الجسم الممتلئ وكمان الاعجاب بقوام كيم و اجسام الاسيويات النحيف وغيرهم كثييييييير ، ليه!؟ لأن مهما كان جسم الانثى وتفصيله من المهم انها تنجح في انها تظهر كانثى
ممنوع النقل والاقتباس
لمشاركة الموضوع انشر الرابط
.jpg)
.jpg)
